| | ᠤᠷᠠᠳᠴᠤᠳ ᠤᠳᠤᠮ ᠳᠡᠭᠡᠳᠦ ᠶᠢᠨ ᠦᠶᠡ ᠠᠴᠠ ᠪᠠᠨ ᠡᠪᠡᠰᠦᠨ ᠤ ᠰᠣᠷᠭᠤᠭ ᠤᠰᠤᠨ ᠤ ᠲᠤᠩᠭᠠᠯᠠᠭ ᠢ ᠬᠠᠶᠢᠵᠤ ᠨᠡᠭᠦᠳᠡᠯᠯᠡᠨ ᠮᠠᠯᠵᠢᠬᠤ ᠦᠢᠯᠡᠳᠪᠦᠷᠢᠯᠡᠯ ᠢ | ᠡᠷᠬᠢᠯᠡᠵᠦ᠂ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ ᠳᠣᠲᠣᠷᠠ ᠥᠨᠢᠳᠡ ᠳᠤᠲᠠᠭᠳᠠᠵᠤ ᠪᠣᠯᠤᠰᠢ ᠦᠭᠡᠢ ᠠᠭᠲᠠ ᠬᠦᠯᠦᠭ ᠢᠶᠠᠨ ᠰᠣᠩᠭᠤᠨ ᠰᠤᠷᠭᠠᠵᠤ᠂ ᠦᠢᠯᠡᠳᠪᠦᠷᠢᠯᠡᠯ | ᠠᠮᠢᠳᠤᠷᠠᠯ᠂ ᠠᠶᠠᠨ ᠬᠥᠰᠭᠡ᠂ ᠳᠠᠶᠢᠨ ᠪᠠᠶᠢᠯᠳᠤᠭᠠᠨ ᠤ ᠳᠤᠮᠳᠠ ᠳᠣᠲᠣᠨᠣ ᠨᠠᠶᠢᠵᠠ ᠪᠠᠨ ᠪᠣᠯᠭᠠᠵᠤ ᠢᠷᠡᠭᠰᠡᠨ ᠲᠡᠦᠬᠡ ᠲᠠᠢ ᠶᠤᠮ᠃ | ᠤᠷᠠᠳᠴᠤᠳ ᠤᠨ ᠤᠷᠭᠠ ᠶᠢᠨ ᠮᠣᠷᠢ ᠰᠣᠩᠭᠤᠵᠤ ᠰᠤᠷᠭᠠᠬᠤ ᠨᠢ ᠪᠤᠰᠤᠳ ᠠᠴᠠ ᠢᠯᠭᠠᠭᠳᠠᠭᠰᠠᠨ ᠣᠨᠴᠠᠭᠠᠢ ᠤᠷᠠᠨ ᠠᠪᠢᠶᠠᠰᠯᠢᠭ ᠡᠷᠳᠡᠮ ᠮᠡᠷᠭᠡᠵᠢᠯ ᠲᠠᠢ | ᠪᠠᠶᠢᠳᠠᠭ ᠶᠤᠮ᠃ ᠤᠷᠭᠠ ᠶᠢᠨ ᠮᠣᠷᠢ ᠶᠢ ᠰᠣᠩᠭᠤᠬᠤ ᠳᠠᠭᠠᠨ ᠲᠡᠳᠡ ᠪᠡᠶᠡ ᠶᠢᠨ ᠬᠢᠨᠢ ᠶᠡᠭᠡ ᠪᠠᠭᠠ᠂ ᠵᠢᠰᠦ ᠥᠩᠭᠡᠨ ᠤ ᠬᠢᠨᠢ ᠰᠠᠶᠢᠬᠠᠨ ᠮᠠᠭᠤᠬᠠᠢ ᠶᠢ | ᠦᠨᠳᠦᠰᠦᠨ ᠳᠡᠭᠡᠨ ᠬᠠᠮᠢᠶᠠᠷᠳᠠᠭ ᠦᠭᠡᠢ᠂ ᠵᠥᠪᠬᠡᠨ ᠬᠦᠴᠦ ᠲᠠᠮᠢᠷ ᠰᠠᠶᠢᠨ᠂ ᠳᠠᠪᠬᠢᠭᠠ ᠭᠦᠶᠦᠳᠡᠯ ᠬᠤᠷᠳᠤᠨ᠂ ᠬᠥᠳᠡᠯᠵᠦ ᠡᠷᠭᠢᠬᠦ ᠨᠢ ᠪᠤᠰᠢᠭᠤ᠂ ᠵᠠᠩ ᠠᠭᠠᠰᠢ | ᠨᠢ ᠳᠦᠯᠭᠡᠨ ᠨᠣᠮᠣᠬᠠᠨ᠂ ᠤᠨᠤᠵᠤ ᠡᠳ᠋ᠯᠡᠬᠦ ᠳᠤ ᠲᠡᠰᠪᠦᠷᠢᠲᠡᠢ᠂ ᠴᠡᠭᠡᠵᠢ ᠥᠷᠭᠡᠨ᠂ ᠬᠥᠯ ᠰᠠᠶᠢᠲᠠᠢ ᠬᠢᠵᠠᠭᠠᠯᠠᠩ᠂ ᠰᠣᠶᠣᠭᠠᠯᠠᠩ ︵4 — 5︶ ᠨᠠᠰᠤᠨ ᠤ | ᠪᠠᠭᠠ ᠮᠣᠷᠢ ᠶᠢ ᠰᠢᠨᠵᠢᠵᠦ ᠰᠣᠩᠭᠤᠵᠤ ᠰᠤᠷᠭᠠᠳᠠᠭ᠃ ᠤᠷᠭᠠ ᠶᠢᠨ ᠮᠣᠷᠢ ᠰᠤᠷᠭᠠᠭᠴᠢ ᠬᠥᠮᠦᠨ ᠢ ᠬᠦᠴᠦ ᠳᠣᠷᠪᠢᠲᠠᠢ᠂ ᠠᠵᠢᠯ ᠦᠢᠯᠡ ᠳᠡᠭᠡᠨ ᠬᠢᠨᠠᠭᠤᠷ ᠨᠢᠮᠪᠠᠢ | ᠰᠠᠶᠢᠨ᠂ ᠵᠣᠷᠢᠭ ᠰᠥᠰᠥᠲᠡᠢ᠂ ᠠᠭᠠᠰᠢ ᠵᠠᠩ ᠨᠢ ᠯᠠᠪᠳᠠᠭᠤᠨ ᠲᠣᠭᠲᠠᠭᠤᠨ᠂ ᠠᠳᠤᠭᠤ ᠮᠠᠯ ᠳᠤ ᠬᠠᠶᠢᠷᠠ ᠭᠠᠮᠲᠠᠢ᠂ ᠵᠣᠬᠢᠬᠤ ᠮᠡᠷᠭᠡᠵᠢᠯ ᠲᠤᠷᠰᠢᠯᠭᠠ ᠲᠠᠢ ᠵᠠᠯᠠᠭᠤ | ᠢᠳᠡᠷᠴᠦᠳ ᠤᠨ ᠳᠣᠲᠣᠷᠠ ᠠᠴᠠ ᠴᠠᠭᠠᠷᠠᠭᠰᠠᠨ ᠤᠷᠭᠠᠴᠢᠨ ᠢ ᠰᠣᠩᠭᠤᠳᠠᠭ᠃ ᠤᠷᠠᠳᠴᠤᠳ ᠤᠷᠭᠠ ᠶᠢᠨ ᠮᠣᠷᠢ ᠪᠠᠨ ᠰᠣᠩᠭᠤᠭᠰᠠᠨ ᠤ ᠳᠠᠷᠠᠭᠠ᠂ ᠤᠨᠤᠵᠤ | ᠡᠳ᠋ᠯᠡᠬᠦ ᠪᠠᠨ ᠵᠣᠬᠢᠮᠵᠢᠲᠠᠢ ᠲᠣᠬᠢᠷᠠᠭᠤᠯᠵᠤ᠂ ᠡᠪᠦᠯ ᠬᠠᠪᠤᠷ ᠤᠨ ᠵᠤᠳ ᠭᠠᠴᠢᠭ ᠲᠠᠢ ᠤᠯᠠᠷᠢᠯ ᠳᠤ ᠵᠣᠬᠢᠬᠤ ᠬᠤᠷ ᠲᠠᠷᠭᠤ ᠬᠦᠴᠦ ᠲᠠᠢ ᠪᠠᠶᠢᠬᠤ ᠶᠢ ᠠᠩᠬᠠᠷᠴᠤ᠂ | ᠬᠠᠪᠤᠷ ᠲᠠᠭᠠᠨ ᠠᠳᠤᠭᠤ ᠨᠣᠭᠤᠭᠠᠨ ᠡᠪᠡᠰᠦᠨ ᠳᠤ ᠬᠠᠭᠠᠰ ᠴᠠᠳᠬᠤ ᠦᠶᠡ᠂ ᠦᠳᠡ ᠶᠢᠨ ᠡᠮᠦᠨᠡ ᠪᠠ ᠨᠠᠷᠠ ᠵᠢᠷᠭᠠᠬᠤ ᠠᠴᠠ ᠡᠮᠦᠨᠡᠬᠢ ᠴᠠᠭ ᠢ ᠠᠰᠢᠭᠯᠠᠵᠤ | ᠤᠷᠭᠠᠨ ᠳᠤ ᠰᠤᠷᠭᠠᠬᠤ ᠠᠵᠢᠯ ᠢᠶᠠᠨ ᠭᠦᠢᠴᠡᠳᠬᠡᠳᠡᠭ᠃ | ᠤᠷᠭᠠ ᠶᠢᠨ ᠮᠣᠷᠢ ᠶᠢ ᠠᠳᠤᠭᠤ ᠮᠣᠷᠢ ᠤᠷᠭᠠᠯᠠᠬᠤ ᠠᠴᠠ ᠡᠮᠦᠨᠡ ᠦᠬᠡᠷ᠂ ᠠᠳᠤᠭᠤ᠂ ᠲᠡᠮᠡᠭᠡ ᠮᠡᠲᠦ ᠪᠣᠳᠠ ᠮᠠᠯ ᠢ ᠳᠠᠭᠠᠭᠤᠯᠵᠤ ᠰᠤᠷᠭᠠᠳᠠᠭ᠃ ᠦᠬᠡᠷ | ᠳᠠᠭᠠᠭᠤᠯᠵᠤ ᠰᠤᠷᠭᠠᠪᠠᠯ ᠬᠠᠮᠤᠭ ᠤᠨ ᠰᠠᠶᠢᠨ ᠪᠠᠶᠢᠳᠠᠭ᠃ ᠤᠴᠢᠷ ᠨᠢ ᠦᠬᠡᠷ ᠤᠨ ᠭᠦᠶᠦᠳᠡᠯ ᠪᠢᠳᠠᠭᠤ ᠪᠥᠭᠡᠳ ᠡᠷᠭᠢᠵᠦ ᠪᠣᠯᠭᠢᠬᠤ ᠨᠢ ᠣᠯᠠᠨ ᠲᠤᠯᠠ ᠤᠷᠭᠠᠨ ᠳᠤ | ᠰᠤᠷᠴᠤ ᠪᠠᠶᠢᠬᠤ ᠮᠣᠷᠢ ᠠᠮᠵᠢᠭᠠ ᠲᠠᠢ ᠰᠠᠶᠢᠬᠠᠨ ᠰᠤᠷᠴᠤ ᠴᠢᠳᠠᠳᠠᠭ᠃ ᠤᠷᠭᠠᠨ ᠳᠤ ᠰᠤᠷᠭᠠᠭᠠᠬᠤ ᠮᠣᠷᠢ ᠪᠠᠷ ᠦᠬᠡᠷ᠂ ᠠᠳᠤᠭᠤ᠂ ᠲᠡᠮᠡᠭᠡ ᠬᠥᠭᠡᠭᠡᠵᠦ | ᠳᠠᠭᠠᠭᠤᠯᠵᠤ ᠰᠤᠷᠭᠠᠬᠤ ᠳᠠᠭᠠᠨ ᠵᠣᠳᠣᠵᠤ ᠲᠠᠰᠢᠭᠤᠷᠳᠠᠬᠤ ᠶᠢ ᠵᠣᠬᠢᠮᠵᠢᠲᠠᠢ ᠠᠩᠬᠠᠷᠴᠤ᠂ ᠬᠦᠴᠦ ᠲᠠᠮᠢᠷ ᠢ ᠨᠢ ᠬᠡᠲᠦᠷᠡᠲᠡᠯᠡ ᠰᠢᠪᠬᠠᠬᠤ ᠶᠢ ᠰᠡᠷᠡᠮᠵᠢᠯᠡᠳᠡᠭ᠃ | ᠶᠡᠷᠦ ᠶᠢᠨ ᠪᠠᠶᠢᠳᠠᠯ ᠳᠣᠣᠷᠠ 3 — 5 ᠡᠳᠦᠷ ᠬᠢᠨᠠᠮᠠᠭᠠᠢ ᠰᠠᠶᠢᠬᠠᠨ ᠬᠥᠭᠡᠭᠡᠵᠦ ᠳᠠᠭᠠᠭᠤᠯᠤᠨ ᠰᠤᠷᠭᠠᠭᠰᠠᠨ ᠤ ᠳᠠᠷᠠᠭᠠ ᠬᠥᠭᠡᠭᠡᠵᠦ ᠪᠠᠶᠢᠭᠠ ᠦᠬᠡᠷ᠂ ᠠᠳᠤᠭᠤ᠂ | ᠲᠡᠮᠡᠭᠡ ᠪᠠᠨ ᠤᠷᠭᠠᠯᠠᠵᠤ ᠳᠠᠭᠠᠭᠤᠯᠤᠨ ᠰᠤᠷᠭᠠᠳᠠᠭ᠃ ᠡᠨᠡ ᠬᠦ ᠱᠠᠲᠤ ᠦᠶᠡ ᠶᠢᠨ ᠪᠣᠯᠪᠠᠰᠤᠷᠠᠯ ᠢ ᠨᠡᠯᠢᠶᠡᠳ ᠤᠷᠲᠤ ᠬᠤᠭᠤᠴᠠᠭᠠ ᠬᠢᠪᠡᠯ ᠰᠠᠶᠢᠨ ᠪᠠᠶᠢᠳᠠᠭ᠃ | ᠭᠡᠲᠡᠯᠡ ᠤᠷᠭᠠᠨ ᠳᠤ ᠰᠤᠷᠭᠠᠵᠤ ᠪᠠᠶᠢᠭᠠ ᠮᠣᠷᠢ ᠪᠠᠨ ᠬᠡᠲᠦ ᠶᠠᠳᠠᠷᠠᠭᠠᠵᠤ ᠵᠣᠷᠢᠭ ᠢ ᠨᠢ ᠮᠣᠬᠤᠭᠠᠬᠤ ᠠᠴᠠ ᠣᠨᠴᠠ ᠴᠡᠭᠡᠷᠯᠡᠬᠦ ᠬᠡᠷᠡᠭᠲᠡᠢ᠃ | ᠤᠳᠠᠭᠠ ᠪᠦᠷᠢ ᠣᠬᠤᠷ ᠬᠤᠭᠤᠴᠠᠭᠠ ᠪᠠᠷ᠂ ᠤᠳᠠᠭᠠ ᠳᠠᠷᠠᠭᠠ ᠶᠢ ᠨᠢ ᠣᠯᠠᠨ ᠰᠢᠭ᠋ ᠪᠣᠯᠪᠠᠰᠤᠷᠠᠬᠤ ᠬᠡᠯᠪᠡᠷᠢ ᠶᠢ ᠠᠪᠳᠠᠭ᠃ ᠬᠥᠭᠡᠭᠡᠵᠦ ᠳᠠᠭᠠᠭᠤᠯᠬᠤ ᠪᠠ | ᠤᠷᠭᠠᠯᠠᠵᠤ ᠳᠠᠭᠠᠭᠤᠯᠬᠤ ᠶᠢ ᠪᠦᠷ ᠵᠠᠳᠠᠭᠠᠢ ᠣᠷᠴᠢᠨ ᠲᠣᠭᠤᠷᠢᠨ᠂ ᠵᠢᠱᠢᠶᠡᠯᠡᠪᠡᠯ᠂ ᠲᠠᠯᠠ ᠵᠣ ᠭᠠᠵᠠᠷ ᠪᠤᠶᠤ ᠴᠢᠯᠠᠭᠤ ᠮᠣᠳᠣ ᠬᠤᠪᠣᠷ ᠡᠯᠡᠰᠦᠷᠬᠡᠭ ᠭᠠᠵᠠᠷ ᠢ | ᠰᠣᠩᠭᠤᠵᠤ ᠰᠤᠷᠭᠠᠪᠠᠯ ᠰᠠᠶᠢᠨ ᠪᠠᠶᠢᠳᠠᠭ ᠪᠢᠯᠡ᠃ ᠬᠠᠮᠤᠭ ᠤᠨ ᠰᠠᠶᠢᠨ ᠨᠢ ᠦᠬᠡᠷ ᠤᠷᠭᠠᠯᠠᠵᠤ ᠳᠠᠭᠠᠭᠤᠯᠤᠨ ᠰᠤᠷᠭᠠᠪᠠᠯ ᠤᠷᠭᠠ ᠶᠢᠨ ᠮᠣᠷᠢ ᠠᠮᠠᠷᠬᠠᠨ ᠰᠠᠶᠢᠬᠠᠨ | ᠴᠢᠯᠥᠭᠡᠲᠡᠢ ᠰᠤᠷᠴᠤ ᠴᠢᠳᠠᠳᠠᠭ᠃ ᠤᠷᠭᠠ ᠶᠢᠨ ᠮᠣᠷᠢᠨ ᠤ ᠪᠠᠨ ᠬᠦᠴᠦ ᠲᠠᠮᠢᠷ ᠢ ᠠᠷᠪᠢᠯᠠᠵᠤ᠂ ᠰᠤᠷᠬᠤ ᠳᠤᠷᠠᠰᠢᠯ ᠢ ᠨᠢ ᠰᠠᠶᠢᠵᠢᠷᠠᠭᠤᠯᠵᠤ᠂ ᠡᠷᠴᠢ ᠵᠣᠷᠢᠭ ᠢ ᠨᠢ | ᠣᠷᠭᠢᠯᠤᠭᠤᠯᠵᠤ᠂ ᠡᠵᠡᠨ ᠤ ᠪᠠᠨ ᠤᠷᠭᠠᠨ ᠳᠤ ᠰᠤᠷᠭᠠᠵᠤ ᠪᠠᠶᠢᠬᠤ ᠵᠣᠷᠢᠯᠲᠠ ᠶᠢ ᠡᠵᠡᠮᠰᠢᠭᠦᠯᠪᠡᠯ ᠴᠢᠳᠠᠪᠤᠷᠢ ᠮᠡᠷᠭᠡᠵᠢᠯ ᠢ ᠨᠢ ᠲᠦᠷᠭᠡᠨ ᠳᠡᠭᠡᠭᠰᠢᠯᠡᠭᠦᠯᠵᠦ ᠴᠢᠳᠠᠳᠠᠭ | ᠶᠤᠮ᠃ | |