| ᠨᠠᠶᠢᠷᠠᠭᠤᠯᠤᠭᠴᠢ ᠶᠢᠨ ᠦᠭᠡ᠄ | ︽ᠣᠷᠭᠤᠬᠤ ᠨᠠᠷᠠᠨ ᠤ ᠲᠠᠭᠤᠯᠢ︾᠂ ︽ᠥᠭᠡᠳᠡ ᠬᠡᠶᠢᠮᠣᠷᠢ︾ ᠲᠠᠢ ᠵᠥᠩᠨᠡᠯ᠂ ᠢᠲᠡᠭᠡᠯ ᠬᠦᠰᠡᠯ ᠤᠨ ︽ᠢᠯᠠ ᠺᠠᠷᠲ︾ ᠲᠠᠢ ᠰᠢᠨᠡ ᠣᠨ ᠤ ᠰᠢᠵᠢᠷ | ᠲᠤᠶᠠᠭᠠ᠂ ᠰᠢᠯᠦᠭ ᠨᠠᠶᠢᠷᠠᠭᠤᠯᠤᠯ ᠤᠨ ︽ᠲᠠᠯᠠ ᠶᠢᠨ ᠲᠤᠶᠠᠭᠠ︾ ᠲᠠ ᠪᠦᠭᠦᠨ ᠲᠠᠢ ᠮᠡᠨᠳᠦᠴᠢᠯᠡᠨ ᠵᠣᠯᠭᠠᠵᠤ ᠪᠠᠶᠢᠨᠠ᠃ ᠠᠶᠢᠰᠤᠢ ᠴᠠᠭ ᠲᠠᠭᠠᠨ ᠠᠮᠤᠷ | ᠠᠮᠤᠭᠤᠯᠠᠩ᠂ ᠠᠮᠵᠢᠯᠲᠠ ᠳᠦᠭᠦᠷᠡᠩ ᠪᠣᠯᠲᠤᠭᠠᠢ ᠬᠡᠮᠡᠨ ᠭᠡᠯᠡ ᠪᠠᠷ ᠢᠯᠡᠳᠬᠡᠵᠦ ᠪᠢᠴᠢᠭ ᠢᠶᠠᠷ ᠲᠣᠳᠣᠷᠬᠠᠶᠢᠯᠠᠵᠤ ᠡᠰᠡ ᠴᠢᠳᠠᠬᠤ ᠬᠦᠨᠳᠦᠳᠬᠡᠯ ᠢᠶᠠᠨ ᠳᠡᠪᠰᠢᠭᠦᠯᠦᠨ | ᠣᠶᠣᠨ ᠤ ᠪᠢᠳ ᠤᠬᠠᠭᠠᠨ ᠤ ᠪᠢᠷᠠ ᠶᠢ ᠬᠠᠷᠠᠭᠤᠯᠤᠭᠰᠠᠨ ᠤᠷᠠᠨ ᠪᠦᠲᠦᠭᠡᠯ ᠢᠶᠠᠨ ᠡᠷᠭᠦᠵᠦ ᠪᠠᠶᠢᠨᠠᠮ᠃ ᠲᠠ ᠪᠦᠭᠦᠨ ᠲᠠᠭᠠᠯᠠᠨ ᠰᠣᠨᠢᠷᠬᠠᠮᠤ᠃ | ᠠᠭᠤᠵᠢᠮ ᠬᠥᠳᠡᠭᠡ ᠨᠤᠲᠤᠭ ᠤᠨ ᠲᠤᠷᠤᠨᠠ ᠲᠡᠭᠷᠢ ᠶᠢᠨ ᠬᠠᠶᠠᠭᠠᠨ ᠠᠴᠠ ᠦᠷ ᠲᠡᠮᠳᠡᠭᠷᠡᠵᠦ ᠣᠨ ᠤ ᠬᠠᠭᠤᠳᠠᠰᠤ ᠰᠢᠨᠡ ᠪᠠᠷ ᠰᠡᠬᠦᠭᠳᠡᠨ ᠰᠠᠪᠠ ᠰᠢᠮᠡ ᠶᠢᠨ | ᠶᠢᠷᠲᠢᠨᠴᠦ ᠳᠤ ᠠᠮᠢᠯᠠᠯ ᠡᠰᠡᠨᠢᠯ ᠣᠯᠭᠤᠭᠴᠢ ᠠᠯᠳᠠᠨ ᠨᠠᠷᠠᠨ ᠤ ᠪᠤᠮᠠᠨ ᠰᠠᠴᠤᠷᠠᠭ ᠲᠤᠶᠠᠭᠠ ᠶᠢ ᠠᠷᠭᠠᠯ ᠤᠨ ᠤᠳᠤᠭᠠ ᠪᠤᠷᠭᠢᠯᠵᠤ ᠮᠠᠯ ᠤᠨ ᠲᠠᠭᠤᠨ ᠬᠠᠩᠭᠢᠨᠠᠭᠰᠠᠨ | ᠴᠠᠰᠤᠲᠤ ᠲᠠᠯᠠ ᠠᠴᠠ ᠪᠠᠨ ᠰᠡᠳᠬᠢᠯ ᠤᠶᠠᠰᠤᠨ ᠲᠤᠰᠬᠤᠶᠠ ᠶᠠᠭᠤᠲᠠᠢ ᠠᠵᠠ ᠲᠠᠢ ᠰᠠᠨᠠᠭᠳᠠᠨᠠᠮ ᠪᠢᠯᠡ⁈ | ᠨᠠᠷᠮᠠᠢ ᠲᠡᠷᠭᠡᠯ ᠨᠠᠷᠠᠨ ᠤ ᠰᠠᠴᠤᠷᠠᠭ ᠶᠠᠭ ᠯᠠ ᠨᠡᠶᠢᠭᠡᠮ ᠳᠠᠶᠠᠭᠠᠷ ᠲᠤ ᠠᠵᠢᠯᠯᠠᠵᠤ ᠠᠮᠢᠳᠤᠷᠠᠨ ᠪᠠᠶᠢᠭᠠ ᠨᠠᠶᠢᠵᠠ ᠮᠠᠨᠤᠰ ᠤᠨ ᠨᠢᠭᠡᠨ ᠨᠢᠭᠡᠨ ᠥᠭᠡᠳᠡ ᠪᠠᠨ | ᠢᠯᠠᠭᠡᠯᠴᠡᠭᠰᠡᠨ ︽ᠰᠢᠨᠡ ᠣᠨ ᠤ ᠢᠯᠠ ᠺᠠᠷᠲ︾ ᠪᠣᠯᠵᠤ ᠬᠦᠰᠡᠯ ᠮᠥᠷᠥᠭᠡᠳᠦᠯ᠂ ᠢᠷᠦᠭᠡᠯ ᠵᠥᠩᠨᠡᠯ᠂ ᠵᠢᠳᠬᠦᠯ ᠪᠦᠲᠦᠭᠡᠯ ᠤᠨ ᠠᠶᠠᠨ ᠤ ᠭᠠᠨᠵᠤᠭᠠ ᠮᠢᠯᠢᠶᠠᠵᠤ | ᠵᠢᠷᠦᠬᠡ ᠰᠡᠳᠬᠢᠯ ᠤᠨ ᠠᠯᠳᠠᠩᠬᠠᠨ ᠶᠣᠩᠬᠤᠷ ᠢ ᠴᠢᠪᠬᠠᠳᠠᠨ ᠠᠮᠢᠳᠤᠷᠠᠯ ᠤᠨ ᠠᠶᠢᠵᠠᠮ ᠢ ᠰᠢᠨᠡ ᠪᠠᠷ ᠬᠥᠭᠯᠡᠳᠡᠭ ᠡᠰᠡ ᠪᠢᠯᠢᠦ︕ | ᠨᠡᠬᠡᠷᠡᠨ ᠠᠯᠳᠠᠨ ᠨᠠᠷᠠᠨ ᠤ ᠰᠠᠴᠤᠷᠠᠭ ᠨᠢᠭᠡᠪᠦᠷᠢ ᠮᠥᠷᠥᠭᠡᠳᠦᠯ ᠬᠦᠰᠡᠯᠡᠩ ᠠᠭᠤᠯᠤᠭᠰᠠᠨ ᠰᠢᠨᠡ ᠣᠨ ᠤ ᠥᠯᠵᠡᠶᠢᠲᠦ ᠺᠠᠷᠲ ᠤᠨ ᠰᠢᠵᠢᠷᠭᠡᠨ ᠬᠠᠭᠤᠳᠠᠰᠤ | ᠪᠠᠶᠢᠵᠤ ᠲᠠᠭᠠᠷᠠᠨᠠ᠃ ᠬᠥᠮᠥᠰ ᠤᠨ ᠰᠡᠳᠬᠢᠯ ᠳᠤ ᠪᠠᠭᠤᠬᠤ ᠳᠠᠭᠠᠨ ᠥᠭᠡᠷᠡ ᠥᠭᠡᠷᠡ ᠪᠠᠷ ᠰᠣᠯᠣᠩᠭᠠᠷᠠᠵᠤ ᠢᠷᠡᠭᠡᠳᠦᠢ ᠶᠢ ᠨᠢ ᠭᠡᠶᠢᠭᠦᠯᠦᠨ ᠢᠲᠡᠭᠡᠯ ᠢ ᠨᠢ | ᠴᠡᠴᠡᠭᠯᠡᠭᠦᠯᠳᠡᠭ ᠴᠤ ᠤᠴᠢᠷ ᠲᠠᠢ ᠰᠠᠨ᠃ | ᠰᠢᠵᠢᠷ ᠨᠠᠷᠠᠨ ᠤ ᠲᠤᠶᠠᠭᠠ ᠲᠠᠢ ᠰᠢᠨᠡ ᠣᠨ ᠢᠩᠭᠢᠵᠦ ᠠᠶᠢᠯᠴᠢᠯᠠᠨᠠ᠃ | ᠬᠤᠶᠢᠮᠤᠷ ᠤᠨ ᠬᠠᠩᠬᠠᠭᠠᠷ ᠠᠭᠤᠯᠠᠰ ᠮᠥᠩᠭᠦᠨ ᠲᠡᠷᠢᠭᠦᠨ ᠢᠶᠠᠨ ᠭᠢᠯᠠᠯᠵᠠᠭᠤᠯᠤᠨ ᠲᠡᠷᠡᠦᠬᠡᠨ ᠪᠠᠶᠢᠷᠢᠨ ᠳᠠᠭᠠᠨ ᠬᠥᠳᠡᠯᠦᠰᠢ ᠦᠭᠡᠢ ᠰᠦᠭᠯᠡᠶᠢᠵᠦ ᠤᠷᠤᠰᠬᠠᠯ | ᠭᠤᠣᠯ ᠢᠴᠡᠭᠡᠯᠡᠭᠰᠡᠨ ᠯᠤᠤ ᠰᠢᠭ᠋ ᠭᠠᠵᠠᠷ ᠤᠨ ᠬᠡᠪᠡᠯᠢ ᠳᠤ ᠴᠠᠭ ᠢ ᠭᠥᠯᠢᠶᠡᠨ ᠨᠦᠢᠷᠰᠤᠵᠤ ᠦᠶᠡᠯᠵᠡᠨ ᠲᠠᠭᠤᠯᠴᠠᠬᠤ ᠤᠯᠠᠷᠢᠯ ᠤᠨ ᠰᠠᠯᠬᠢᠨ ᠤ ᠠᠶᠠᠰ ᠢᠶᠠᠷ ᠠᠯᠳᠠᠨ | ᠰᠢᠷᠭᠠᠯ ᠡᠪᠡᠰᠦᠨ ᠳᠠᠪᠠᠯᠭᠠᠨ ᠢᠷᠠᠯᠵᠠᠨ ᠢᠷᠠᠯᠵᠠᠵᠤ ᠬᠤᠷ ᠲᠠᠷᠭᠤ ᠲᠠᠢ ᠮᠠᠯ ᠰᠦᠷᠦᠭ ᠱᠢᠷᠦ ᠰᠤᠪᠤᠳ ᠢᠶᠠᠷ ᠰᠢᠭᠢᠳᠬᠡᠭᠡᠷᠢᠯᠡᠨ ᠤᠭᠲᠤᠮᠵᠢ ᠰᠠᠶᠢᠨ ᠣᠨ ᠤ | ᠥᠩᠭᠡ ᠶᠢ ᠭᠠᠶᠢᠬᠠᠭᠤᠯᠤᠨᠠ ᠠᠵᠢ᠃ | ᠰᠢᠨᠡ ᠣᠨ ᠤ ᠴᠡᠩᠭᠡᠭ ᠠᠭᠠᠷ ᠢ ᠠᠮᠢᠰᠬᠤᠵᠤ ᠬᠠᠨᠤᠰᠢ ᠦᠭᠡᠢ᠃ ᠠᠷᠭᠠᠯ ᠤᠨ ᠤᠳᠤᠭᠠ ᠪᠠᠷ ᠠᠷᠢᠭᠤᠯᠠᠭᠰᠠᠨ ᠬᠥᠳᠡᠭᠡ ᠨᠤᠲᠤᠭ ᠤᠨ ᠠᠭᠠᠷ ᠠᠶᠢᠷᠠᠭ | ᠴᠠᠭᠠ ᠶᠢᠨ ᠰᠢᠮᠡ ᠪᠠᠷ ᠠᠭᠤᠰᠬᠢᠨ ᠳᠤ ᠨᠠᠪᠳᠠᠷᠠᠨ ᠴᠡᠮᠴᠡᠭᠡᠨᠡᠵᠦ ᠮᠥᠩᠬᠡ ᠨᠠᠰᠤᠲᠤ ᠣᠷᠴᠢᠯᠠᠩ ᠤᠨ ᠴᠠᠴᠠᠨ ᠴᠡᠯᠮᠡᠭ ᠲᠠᠷᠠ ᠯᠠ ᠠᠮᠢᠰᠬᠤᠭᠠ ᠬᠥᠮᠥᠰ ᠤᠨ | ᠮᠠᠬᠠᠪᠤᠳ ᠴᠤᠬᠴᠠᠨᠠ ︽ᠡᠮ ᠪᠣᠯᠣᠨ ᠳᠣᠮ ᠴᠤ ᠪᠣᠯᠣᠨ︾ ᠰᠢᠩᠭᠡᠵᠦ ᠥᠯᠥᠭᠡᠢ ᠰᠠᠶᠢᠬᠠᠨ ᠡᠬᠡ ᠣᠷᠣᠨ ᠳᠠᠭᠠᠨ ︽ᠵᠠᠭᠤᠨ ᠵᠠᠭᠤᠨ ᠵᠢᠯ ᠠᠮᠢᠳᠤᠷᠠᠮᠠᠷ︾ | ᠰᠠᠨᠠᠭᠳᠠᠬᠤ ᠶᠢ ᠶᠠᠭᠤᠨ ᠥᠭᠦᠯᠡᠨᠡᠮ︕ | ᠰᠢᠨᠡ ᠣᠨ ᠤ ᠭᠠᠯᠪᠢᠷ ᠲᠥᠷᠬᠦ ᠶᠢ ᠵᠢᠷᠤᠭᠯᠠᠭᠠᠳ ᠪᠠᠷᠠᠰᠢ ᠦᠭᠡᠢ᠃ ᠰᠢᠨᠡ ᠣᠨ ᠤ ᠭᠬᠢᠷ ᠦᠭᠡᠢ ᠲᠣᠷᠭᠠᠨ ᠬᠠᠭᠤᠳᠠᠰᠤ ᠶᠢ ᠳᠡᠪᠢᠰᠬᠡᠷᠯᠡᠨ ᠥᠪᠡᠷ | ᠥᠪᠡᠷ ᠤᠨ ᠥᠩᠭᠡ ᠭᠢᠯᠪᠠᠭᠠ ᠲᠠᠢ ᠤᠷᠠᠨ ᠵᠢᠷᠤᠭ ᠢ ᠪᠦᠲᠦᠭᠡᠬᠦᠶᠡ ︽ᠪᠤᠳᠤᠭ ᠬᠦᠷᠦᠯᠴᠡᠪᠡᠴᠦ ᠰᠠᠨᠠᠭᠠᠨ ᠬᠦᠷᠦᠯᠴᠡᠬᠦ ᠦᠭᠡᠢ︾ ᠠᠵᠢ᠃ ᠰᠢᠨᠡ ᠣᠨ ᠤ ᠳᠦᠷᠢ | ᠵᠢᠷᠤᠭ ᠰᠣᠯᠣᠩᠭᠠ ᠶᠢᠨ ᠲᠤᠯᠤᠭᠠᠨ ᠥᠩᠭᠡ ᠪᠠᠷ ᠮᠢᠷᠠᠯᠵᠠᠨ ᠠᠮᠢᠵᠢᠷᠠᠯ ᠤᠨ ᠲᠤᠯᠤᠭᠠᠨ ᠨᠣᠲ ᠢᠶᠠᠷ ᠤᠶᠠᠩᠭᠠᠷᠠᠨ ᠬᠦᠰᠡᠯ ᠲᠡᠮᠡᠦᠯᠦᠯ ᠢ ᠬᠤᠷᠦ᠋ᠢᠯᠠᠨ ᠬᠥᠭᠵᠢᠯ | ᠲᠠᠪᠰᠢᠯ ᠳᠤ ᠤᠷᠠᠶᠢᠯᠠᠨᠠᠮ ᠪᠦᠯᠦᠭᠡ᠃ | ᠰᠢᠨᠡ ᠣᠨ ᠤ ᠪᠢᠯᠬᠠᠮᠠ ᠰᠡᠳᠬᠢᠯᠭᠡ ᠶᠢ ᠰᠢᠯᠦᠭᠯᠡᠵᠦ ᠳᠠᠭᠤᠰᠤᠰᠢ ᠦᠭᠡᠢ᠃ ᠣᠷᠭᠢᠯᠤᠮᠠ ᠴᠠᠯᠭᠢᠯᠤᠮᠠ ᠮᠥᠷᠲᠡᠭᠡᠨ ᠷᠣᠮᠠᠨᠲ᠋ᠢᠭ ᠥᠩᠭᠡ ᠪᠤᠳᠤᠭ ᠪᠦᠬᠦᠢ | ᠢᠷᠠᠭᠤ ᠲᠤᠤᠯᠢᠰᠯᠢᠭ ᠦᠵᠡᠯ ᠰᠠᠨᠠᠭᠠ ᠪᠣᠯ ᠰᠢᠨᠡ ᠣᠨ ᠮᠥᠨ ᠶᠤᠮ᠃ ᠮᠥᠰᠥ ᠪᠠᠨ ᠴᠤᠭᠤᠴᠢᠨ ᠴᠤᠭᠤᠴᠢᠨ ᠲᠡᠯᠡᠷᠡᠬᠦ ᠬᠠᠷᠠᠵᠠ ᠶᠢᠨ ᠤᠶᠠᠬᠠᠨ ᠵᠢᠷᠢᠯᠵᠡᠭᠡ᠂ | ᠬᠥᠷᠥᠰᠥᠨ ᠳᠣᠣᠷᠠ ᠪᠠᠨ ᠡᠰᠡᠨᠢᠯ ᠮᠠᠨᠠᠨ ᠳᠤᠭᠵᠢᠷᠠᠬᠤ ᠦᠨᠳᠦᠰᠦᠨ ᠤ ᠮᠢᠩᠭᠠᠨ ᠭᠦᠪᠦᠷᠠᠯ᠂ ᠮᠠᠯᠴᠢᠨ ᠠᠶᠢᠯ ᠤᠨ ᠳᠤᠯᠠᠭᠠᠨ ᠰᠠᠷᠠᠪᠴᠢᠨ ᠠᠴᠠ ᠰᠣᠨᠣᠷᠳᠠᠬᠤ | ᠲᠥᠯ ᠤᠨ ᠨᠢᠯᠬᠠ ᠲᠠᠭᠤᠨ᠂ ᠬᠢᠴᠢᠶᠡᠯ ᠤᠨ ᠲᠠᠩᠬᠢᠮ ᠠᠴᠠ ᠴᠤᠤᠷᠢᠶᠠᠯᠠᠬᠤ ᠬᠡᠦᠬᠡᠳ ᠤᠨ ᠢᠷᠠᠭᠤ ᠤᠩᠰᠢᠯᠭᠠ ᠁ ᠬᠠᠮ ᠰᠡᠷᠡᠯ᠂ ᠰᠠᠮ ᠳᠣᠬᠢᠶᠠ ᠪᠦᠬᠦᠢ | ᠢᠷᠠᠭᠤ ᠨᠠᠶᠢᠷᠠᠭ ᠤᠨ ᠤᠷᠠᠨ ᠰᠠᠨᠠᠭᠠ - ᠦᠵᠦᠭ ᠤᠨ ᠦᠵᠦᠭᠦᠷ᠂ ᠡᠴᠢᠨᠡ ᠪᠤᠳᠤᠯ ᠢ ᠬᠤᠯᠠ ᠶᠢᠨ ᠬᠤᠯᠠ ᠳᠤ ᠬᠥᠲᠥᠯᠥᠨᠡᠮ᠃ | ︽ᠰᠢᠨᠡ ᠣᠨ ᠁︾ ᠬᠡᠮᠡᠬᠦ ᠢᠯᠳᠠᠮᠬᠠᠨ ᠰᠡᠳᠬᠢᠮᠵᠢ ᠪᠦᠬᠦᠢ ᠠᠶᠠᠲᠠᠶᠢᠬᠠᠨ ᠨᠠᠶᠢᠷᠠᠭᠤᠯᠤᠯ ᠬᠡᠯᠬᠢᠨ ᠰᠠᠭᠤᠲᠠᠯᠠ ᠱᠣᠩ ᠳᠡᠭᠡᠷᠡ ᠱᠠᠭᠠᠵᠠᠭᠠᠢ ᠱᠠᠭᠰᠢᠨ᠂ | ᠬᠤᠲᠠᠴᠢ ᠬᠠᠯᠲᠠᠷ ᠴᠢᠮᠡᠭᠡᠯᠡᠵᠦ ᠭᠡᠶᠢᠴᠢᠨ ᠢᠷᠡᠬᠦ ᠶᠢ ᠮᠡᠳᠡᠭᠡᠯᠡᠪᠡ᠃ ᠨᠠᠷᠠᠨ ᠤ ᠲᠤᠶᠠᠭᠠ ᠬᠠᠯᠠᠭᠤᠴᠠᠨ ᠲᠤᠨᠤᠷᠠᠭᠰᠠᠨ ᠪᠣᠯᠣᠷ ᠭᠡᠭᠡᠪᠴᠢ ᠪᠠᠷ ᠢᠶᠠᠨ ᠥᠩᠭᠡᠶᠢᠨ | ᠪᠠᠷᠠᠯᠠᠬᠤ ᠳᠤ ᠭᠠᠩᠭᠠᠩ ᠬᠠᠷᠠ ᠮᠣᠷᠢ ᠲᠠᠢ ᠬᠥᠳᠡᠭᠡ ᠶᠢᠨ ᠰᠢᠤᠳᠠᠨᠴᠢ - ᠬᠦᠳᠡᠷᠯᠢᠭ ᠪᠣᠷᠣ ᠵᠠᠯᠠᠭᠤ ᠮᠥᠩᠭᠦᠨ ᠪᠠᠭᠠᠪᠤᠷ ᠲᠠᠢ ᠡᠮᠡᠭᠡᠯ ᠤᠨ ᠪᠦᠭᠦᠷᠭᠡ ᠠᠯᠠᠭᠠᠳᠠᠨ | ᠤᠶᠠᠭᠠᠨ ᠳᠡᠭᠡᠷᠡ ᠵᠢᠯᠣᠭᠤ ᠲᠠᠳᠠᠨ ᠲᠦᠷᠦᠭᠡ ᠮᠤᠯᠲᠤᠯᠵᠤ ᠪᠠᠶᠢᠯᠠ᠃ | ᠲᠤᠰᠤᠭᠠᠳ ᠭᠠᠷᠬᠤ ᠳᠤ ᠭᠦᠭᠡᠬᠤᠳᠠ ᠳᠤ ᠠᠯᠪᠠᠯᠠᠳᠠᠭ ᠪᠢᠴᠢᠭ ᠤᠨ ᠠᠨᠳᠠ ᠠᠴᠠ ᠮᠢᠨᠢ ᠢᠯᠡᠭᠡᠭᠰᠡᠨ ᠨᠠᠷᠠ ᠮᠦᠰᠢᠶᠡᠭᠰᠡᠨ ᠴᠠᠰᠤᠲᠤ ᠲᠠᠯᠠ ᠳᠡᠭᠡᠭᠦᠷ | ᠨᠠᠭᠠᠰᠢ ᠪᠠᠨ ᠳᠣᠪᠲᠤᠯᠤᠭᠠ ᠠᠳᠤᠭᠤᠴᠢᠨ ᠡᠷᠡ ᠶᠢᠨ ᠵᠢᠷᠤᠭ ᠲᠠᠢ ᠰᠢᠨᠡ ᠣᠨ ᠤ ᠮᠠᠨᠳᠤ ᠶᠢ ᠬᠦᠷᠭᠡᠭᠰᠡᠨ ᠢᠯᠠ ᠵᠠᠬᠢᠳᠠᠯ ᠤᠨ ᠺᠠᠷᠲ ᠢ ᠨᠣᠭᠤᠭᠠᠨ | ᠪᠣᠭᠴᠣᠨ ᠠᠴᠠ ᠪᠠᠨ ᠭᠠᠷᠭᠠᠵᠤ ᠨᠠᠳᠠᠳᠤ ᠭᠠᠷᠳᠠᠭᠤᠯᠤᠯᠠ᠃ | ᠲᠡᠷᠠ ᠭᠱᠠᠨᠠ ᠵᠢᠷᠦᠬᠡ ᠰᠡᠳᠬᠢᠯ ᠮᠢᠨᠢ ᠤᠷᠢᠳᠤ ᠪᠠᠶᠢᠭᠠ ᠦᠭᠡᠢ ᠦᠢᠯᠠᠰᠤᠨ ᠳᠣᠭᠳᠣᠯᠪᠠ᠃ ᠪᠢᠳᠡ ᠴᠢᠨᠢ ᠰᠢᠨᠡ ᠣᠨ ᠳᠠᠭᠠᠨ ᠢᠩᠭᠢᠵᠦ ᠯᠠ ᠬᠡᠶᠢᠮᠣᠷᠢ ᠲᠠᠢ | ᠭᠠᠯᠭᠢᠭᠤᠯᠳᠠᠭ ᠪᠠᠶᠢᠨᠠ ᠰᠢᠤ︕ | |