ᠮᠣᠩᠭᠤᠯᠴᠣᠳ ᠤᠨ ᠮᠠᠯ ᠤᠨ ᠰᠦ ᠶᠢᠨ ᠠᠰᠢᠭ ᠰᠢᠮ᠎ᠡ ᠶᠢ ᠠᠪᠴᠤ ᠴᠠᠭᠠᠨ ᠢᠳᠡᠭᠡ ᠪᠡᠯᠡ᠊ᠳᠬᠡᠬᠦ᠂ ᠬᠠᠳᠠᠭᠠᠯᠠᠬᠤ ᠣᠯᠠᠮᠵᠢᠯᠠᠯᠳᠣ ᠠᠷᠭ᠎ᠠ ᠣᠬᠠᠭᠠᠨ — ᠮᠣᠩᠭᠤᠯᠴᠣᠳ ᠦᠨᠢ ᠡᠷᠳᠡᠨ ᠠᠴᠠ ᠮᠠᠯ ᠤᠨ ᠢᠶᠠᠨ ᠰᠦ᠂ ᠲᠡᠬᠦᠨ ᠤ ᠮᠦᠨ ᠴᠢᠨᠡᠷ᠂ ᠠᠴᠢ ᠬᠤᠯᠪᠤᠭᠳᠠᠯ ᠢ ᠲᠠᠨᠢᠨ ᠮᠡᠳᠡᠵᠡᠢ᠃
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2024/12/31
    ᠮᠣᠩᠭᠤᠯᠴᠣᠳ ᠮᠠᠯ ᠤᠨ ᠢᠶᠠᠨ ᠰᠥ ᠶᠢ ᠲᠠᠨᠢᠵᠦ ᠮᠡᠳᠡᠭᠰᠡᠨ ᠲᠡᠷᠡ ᠬᠡᠮᠵᠢᠶ᠎ᠡ ᠪᠠᠷ ᠲᠡᠬᠦᠨ ᠢ ᠮᠠᠯ ᠠᠴᠠ ᠠᠪᠬᠤ᠂ ᠠᠰᠢᠭᠯᠠᠬᠤ᠂ ᠣᠯᠠᠮ ᠢᠶᠠᠷ ᠡᠳ᠋ᠰᠢᠬᠦᠯᠦᠨ ᠪᠤᠯᠪᠠᠰᠣᠷᠠᠭᠤᠯᠣᠨ ᠴᠠᠭᠠᠨ ᠢᠳᠡᠭᠡ ᠪᠡᠯᠡᠳᠬᠡᠵᠦ ᠬᠡᠷᠡᠭᠯᠡᠬᠦ ᠲᠠᠯ᠎ᠡ ᠪᠠᠷ ᠪᠦᠬᠦᠯᠢ ᠪᠦᠳᠦᠨ ᠠᠷᠭ᠎ᠠ ᠠᠵᠢᠯᠯᠠᠭ᠎ᠠ᠂ ᠶᠣᠰᠣ ᠭᠤᠷᠢᠮ ᠢ ᠦᠶ᠎ᠡ ᠣᠯᠠᠷᠢᠭᠤᠯᠣᠨ ᠬᠦᠭᠵᠢᠬᠦᠯᠵᠦ ᠢᠷᠡᠵᠡᠢ᠃ ᠮᠣᠩᠭᠤᠯᠴᠣᠳ ᠮᠠᠯ ᠰᠠᠭᠠᠵᠦ ᠰᠥ ᠪᠠᠷ ᠨᠢ ᠴᠠᠭᠠᠨ ᠢᠳᠡᠭᠡ ᠪᠡᠯᠡᠳᠭᠡᠵᠦ ᠬᠡᠷᠡᠭᠯᠡᠳᠡᠭ ᠠᠷᠭ᠎ᠠ ᠠᠵᠢᠯᠯᠠᠭ᠎ᠠ᠂ ᠶᠣᠰᠣ ᠭᠤᠷᠢᠮ ᠲᠠᠢ ᠪᠠᠶᠢᠭᠰᠠᠨ ᠲᠣᠬᠠᠢ 13 ᠳ᠋ᠣᠭᠠᠷ ᠵᠠᠭᠤᠨ ᠤ ᠦᠶ᠎ᠡ ᠶᠢᠨ ᠠᠯᠳᠠᠷᠳᠣ ᠪᠦᠳᠦᠬᠡᠯ᠂ ︽ᠮᠣᠩᠭᠤᠯ ᠤᠨ ᠨᠢᠭᠤᠴᠠ ᠲᠣᠪᠴᠢᠶᠠᠨ︾ ᠳᠤ ᠲᠣᠳᠣᠷᠬᠠᠢ ᠪᠢᠴᠢᠵᠦ ᠲᠡᠮᠳᠡᠭᠯᠡᠭᠰᠡᠨ ᠪᠠᠶᠢᠳᠠᠭ᠃ ᠲᠣᠬᠠᠶᠢᠯᠠᠪᠠᠯ᠂ ᠬᠡᠬᠦᠤ ᠪᠠᠷᠢᠵᠦ᠂ ᠢᠮᠠᠭ᠎ᠠ ᠰᠠᠭᠠᠵᠦ ᠲᠡᠬᠦᠪᠡᠷ ᠠᠶᠢᠷᠠᠭ ᠴᠡᠭᠡ᠂ ᠡᠰᠦᠭ᠂ ᠲᠠᠷᠠᠭ᠂ ᠠᠶᠢᠷᠠᠭ ᠬᠦᠬᠦᠤᠷ᠂ ᠪᠦᠯᠢᠬᠦᠷ ᠬᠡᠷᠡᠭᠯᠡᠵᠦ ᠪᠦᠯᠢᠬᠦ᠂ ᠨᠡᠷᠡᠬᠦ ᠠᠷᠭ᠎ᠠ ᠠᠵᠢᠯᠯᠠᠭ᠎ᠠ ᠪᠠᠷ ᠪᠡᠯᠡᠳᠭᠡᠳᠡᠭ᠃ ᠨᠠᠮᠪᠤᠭ᠎ᠠ ᠰᠠᠭᠤᠯᠭᠠᠨ ᠲᠤ ᠬᠡᠬᠦᠤ ᠰᠠᠭᠠᠬᠤ᠂ ᠪᠡᠯᠡᠳᠬᠡᠭᠰᠡᠨ ᠴᠡᠭᠡ᠂ ᠲᠠᠷᠠᠭ ᠢ ᠭᠠᠨᠵᠣᠭᠠᠨ ᠤ ᠲᠣᠯᠣᠮ ᠳᠤ ᠬᠢᠵᠦ ᠭᠠᠨᠵᠣᠭᠠᠯᠠᠵᠦ ᠶᠠᠪᠤᠳᠠᠭ ᠲᠣᠬᠠᠢ ᠨᠡᠯᠢᠶᠡᠳ ᠲᠣᠳᠣᠷᠬᠠᠢ ᠪᠢᠴᠢᠵᠦ ᠪᠠᠶᠢᠳᠠᠭ᠃      ᠢᠲ᠋ᠠᠯᠢ ᠶᠢᠨ ᠠᠯᠳᠠᠷᠳᠣ ᠵᠢᠭᠤᠯᠴᠢᠨ ᠮᠡᠷᠺᠦ ᠫᠤᠯᠤ ᠨᠣᠮ ᠪᠢᠴᠢᠵᠦ᠂ ᠲᠠᠲ᠋ᠠᠷᠴᠣᠳ ᠬᠡᠬᠦᠨ ᠤ ᠰᠥ᠂ ᠠᠶᠢᠷᠠᠭ ᠣᠣᠭᠤᠳᠠᠭ᠂ ᠲᠡᠳᠡᠬᠡᠷ ᠢ ᠠᠷᠠᠰᠣᠨ ᠲᠣᠯᠣᠮ ᠳᠤ ᠬᠢᠵᠦ ᠠᠶᠠᠨ ᠲᠠᠶᠢᠨ ᠳᠤ ᠠᠪᠴᠤ ᠶᠠᠪᠤᠳᠠᠭ᠂ ᠦᠳᠬᠡᠷᠡᠬᠦᠯᠦᠨ ᠵᠢᠭᠤᠷᠮᠠᠭ ᠮᠡᠳᠦ ᠪᠤᠯᠭᠠᠵᠦ ᠬᠠᠳᠠᠭᠠᠭᠰᠠᠨ ᠬᠠᠭᠤᠷᠠᠢ ᠰᠥ ᠠᠪᠴᠤ ᠶᠠᠪᠤᠳᠠᠭ ᠪᠦᠬᠡᠳ ᠲᠡᠬᠦᠨ ᠢ ᠪᠠᠨ ᠣᠰᠣᠨ ᠳᠤ ᠬᠢᠵᠦ ᠬᠤᠳᠬᠤᠭᠠᠳ ᠵᠠᠳᠠᠷᠠᠨ ᠠᠭᠤᠰᠬᠤ ᠪᠠᠷ ᠨᠢ ᠣᠣᠭᠤᠳᠠᠭ ᠬᠡᠬᠦ ᠮᠡᠳᠦ ᠪᠠᠷ ᠲᠠᠮᠳᠡᠭᠯᠡᠭᠰᠡᠨ ᠪᠠᠶᠢᠳᠠᠭ᠃ ᠡᠳᠡᠬᠡᠷ ᠲᠡᠤᠬᠡ ᠪᠠᠷᠢᠮᠳᠠ ᠤᠳ ᠠᠴᠠ ᠮᠣᠩᠭᠤᠯᠴᠠᠳ 12 ᠳ᠋ᠣᠭᠠᠷ ᠵᠠᠭᠤᠨ ᠤ ᠦᠶ᠎ᠡ ᠳᠤ ᠮᠠᠯ ᠤᠨ ᠢᠶᠠᠨ ᠰᠥ ᠪᠠᠷ ᠴᠠᠭᠠᠨ ᠢᠳᠡᠭᠡ ᠪᠡᠯᠡᠳᠬᠡᠨ ᠬᠡᠷᠡᠭᠯᠡᠬᠦ ᠣᠯᠠᠮᠵᠢᠯᠠᠯᠳᠣ ᠠᠷᠭ᠎ᠠ ᠠᠵᠢᠯᠯᠠᠭᠠᠨ ᠤ ᠲᠣᠳᠣᠷᠬᠠᠢ ᠲᠦᠪᠰᠢᠨ ᠳᠤ ᠬᠦᠷᠴᠢᠭᠰᠡᠨ ᠪᠠᠶᠢᠵᠠᠢ ᠬᠡᠵᠦ ᠳ᠋ᠦᠡᠭᠨᠡᠵᠦ ᠪᠤᠯᠬᠤ ᠶᠣᠮ ᠬᠡᠵᠦ ᠵᠠᠷᠢᠮ ᠬᠦᠮᠦᠨ ᠪᠠᠰᠠ ᠬᠡᠯᠡᠵᠦ ᠪᠤᠢ᠃    ᠮᠣᠩᠭᠤᠯᠴᠣᠳ ᠰᠥ ᠴᠠᠭᠠᠨ ᠢᠳᠡᠭᠡ ᠶᠢ ᠵᠦᠪᠬᠡᠨ ᠢᠳᠡᠭᠡ᠂ ᠣᠮᠳᠠᠭᠠᠨ ᠤ ᠠᠭᠤᠯᠭ᠎ᠠ ᠪᠠᠷ ᠪᠡᠯᠡᠳᠬᠡᠵᠦ ᠬᠡᠷᠡᠭᠯᠡᠭᠡᠳ ᠵᠣᠭᠰᠣᠬᠤ ᠦᠬᠡᠢ ᠬᠦᠮᠦᠨ ᠤ ᠪᠡᠶ᠎ᠡ ᠶᠢᠨ ᠡᠷᠡᠬᠦᠯ ᠮᠡᠨᠳᠦ ᠶᠢ ᠬᠠᠮᠠᠭᠠᠯᠠᠬᠤ᠂ ᠡᠪᠡᠳᠴᠢᠨ ᠡᠮᠬᠡᠭ ᠢ ᠢᠯᠡᠷᠢᠰᠢᠬᠦᠯᠬᠦ᠂ ᠨᠢᠯᠬ᠎ᠠ ᠪᠠᠯᠴᠢᠷ ᠬᠡᠣᠬᠡᠳ᠂ ᠦᠳᠡᠬᠦᠰ ᠡᠪᠦᠬᠡᠳ ᠢ ᠬᠤᠭᠤᠯᠠᠯᠠᠬᠤ᠂ ᠰᠣᠪᠢᠯᠠᠬᠤ᠂ ᠪᠡᠶ᠎ᠡ ᠶᠢᠨ ᠴᠢᠯᠡᠭᠡ ᠶᠢ ᠰᠠᠶᠢᠵᠢᠷᠠᠭᠤᠯᠬᠤ᠂ ᠬᠤᠣᠷᠳᠠᠯᠭ᠎ᠠ ᠶᠢ ᠲᠠᠶᠢᠯᠬᠤ ᠵᠡᠷᠬᠡ ᠣᠯᠠᠨ ᠠᠭᠤᠯᠭ᠎ᠠ ᠵᠣᠷᠢᠭᠤᠯᠣᠯᠳᠠ ᠪᠠᠷ ᠦᠷᠬᠡᠨ ᠬᠡᠷᠡᠭᠯᠡᠭᠰᠡᠭᠡᠷ ᠢᠷᠡᠵᠡᠢ᠃ ᠮᠣᠩᠭᠤᠯ ᠣᠷᠣᠨ ᠤ ᠲᠣᠯᠠᠭᠠᠨ ᠤ ᠣᠯᠠᠷᠢᠯ ᠳᠤ ᠬᠡᠣᠬᠡᠳ᠂ ᠬᠦᠭᠰᠢᠳ᠂ ᠢᠳᠡᠷ ᠨᠠᠰᠣᠨ ᠤ ᠬᠦᠮᠦᠰ ᠰᠥ᠂ ᠰᠥ ᠪᠠᠷ ᠲᠦᠷᠦᠯ ᠪᠦᠷᠢ ᠶᠢᠨ ᠴᠠᠭᠠᠨ ᠢᠳᠡᠭᠡ ᠪᠡᠯᠡᠳᠬᠡᠵᠦ ᠲᠡᠩᠨᠡᠨ ᠬᠡᠷᠡᠭᠯᠡᠪᠡᠯ ᠡᠷᠡᠬᠦᠯ ᠡᠩᠬᠡ ᠲᠤ ᠮᠠᠰᠢᠳᠠ ᠰᠠᠶᠢᠨ᠃ ᠬᠠᠭᠤᠴᠢᠴᠣᠣᠯ᠂ ᠠᠬᠠᠮᠠᠳᠴᠣᠣᠯ ᠡᠬᠦᠨ ᠢ ᠲᠡᠶᠢᠯᠪᠦᠷᠢᠯᠡᠬᠤ ᠳᠠᠭᠠᠨ᠂ ᠴᠠᠭᠠᠨ ᠢᠳᠡᠭᠡ ᠪᠤᠯ ᠬᠡᠳᠡᠰᠦ ᠲᠣᠳᠣᠷ ᠢ ᠴᠠᠶᠢᠯᠭᠠᠵᠦ᠂ ᠴᠢᠬᠢᠭ ᠪᠠᠮ ᠢ ᠬᠦᠬᠡᠬᠡᠵᠦ᠂ ᠦᠡᠭᠬᠦᠷ ᠰᠠᠭᠤᠯᠭᠠᠳᠠᠭ᠂ ᠬᠦᠮᠦᠨ ᠤ ᠪᠡᠶ᠎ᠡ ᠳᠤ ᠬᠤᠷᠠᠮᠳᠣᠭᠰᠠᠨ ᠬᠤᠣᠷ ᠢ ᠠᠷᠢᠯᠭᠠᠳᠠᠭ ᠬᠡᠵᠦ ᠬᠡᠯᠡᠵᠦ ᠪᠤᠢ ᠃ ᠡᠷᠲᠡᠨ ᠤ ᠨᠣᠮ ᠳᠤ ᠲᠠᠷᠠᠭ ᠤᠨ ᠲᠤᠬᠠᠢ ︽ᠠᠮᠲᠠ ᠢᠰᠬᠦᠯᠡᠩᠬᠡᠨ᠂ ᠢᠳᠡᠬᠦ ᠳᠤ ᠶᠡᠭᠡ ᠯᠡ ᠰᠣᠨᠢᠨ ᠲᠠᠭᠠᠳᠠᠢ᠂ ᠵᠣᠬᠢᠮᠵᠢ ᠶᠢᠨ ᠲᠠᠯ᠎ᠡ ᠪᠠᠷ ᠮᠠᠰᠢ ᠰᠠᠶᠢᠨ᠂ ᠢᠯᠠᠩᠭᠤᠶ᠎ᠡ ᠮᠢᠬᠠᠨ ᠢᠳᠡᠬᠡᠨ ᠤ ᠬᠤᠣᠷ ᠢ ᠲᠠᠶᠢᠯᠵᠦ ᠴᠢᠬᠢᠭ ᠪᠠᠮ ᠤᠨ ᠡᠮᠬᠡᠭ ᠲᠤ ᠮᠠᠰᠢ ᠲᠣᠰᠠᠳᠠᠢ ᠬᠡᠳᠡᠭ︾ ᠬᠡᠵᠦ ᠦᠬᠦᠯᠡᠭᠰᠡᠨ ᠪᠠᠶᠢᠳᠠᠭ᠃ ᠡᠪᠦᠯᠵᠢᠨ ᠬᠠᠪᠤᠷᠵᠢᠨ ᠮᠢᠬᠠᠨ ᠬᠤᠭᠤᠯᠠ ᠬᠡᠷᠡᠭᠯᠡᠳᠡᠭ ᠮᠣᠩᠭᠤᠯᠴᠣᠳ ᠵᠣᠨ ᠤ ᠴᠠᠭ ᠲᠤ ᠴᠠᠭᠠᠨ ᠢᠳᠡᠭᠡ ᠬᠡᠷᠡᠭᠯᠡᠵᠦ ᠢᠷᠡᠭᠰᠡᠨ ᠵᠠᠩᠰᠢᠯ ᠨᠢ ᠦᠨᠡᠬᠡᠷ ᠣᠷᠬᠢᠵᠦ ᠪᠤᠯᠣᠮ᠎ᠡ ᠦᠬᠡᠢ ᠣᠯᠠᠮᠵᠢᠯᠠᠯ ᠮᠦᠨ᠃ ᠲᠣᠯᠠᠭᠠᠨ ᠤ ᠣᠯᠠᠷᠢᠯ ᠳᠤ ᠡᠰᠦᠭ ᠴᠢᠨᠠᠷᠳᠠᠢ ᠰᠥ᠂ ᠲᠠᠷᠠᠭ᠂ ᠠᠶᠢᠷᠠᠭ ᠵᠡᠷᠬᠡ ᠴᠠᠭᠠᠨ ᠢᠳᠡᠭᠡ ᠮᠠᠯᠴᠢᠳ ᠤᠨ ᠣᠯᠠᠮᠵᠢᠯᠠᠯ ᠰᠢᠨᠵᠢᠯᠡᠬᠦ ᠣᠬᠠᠭᠠᠨ ᠤ ᠦᠨᠳᠦᠰᠦ ᠲᠠᠢ ᠶᠣᠮ᠃ ᠮᠠᠨ ᠤ ᠮᠠᠯᠴᠢᠳ ᠤᠨ ᠰᠥ ᠰᠠᠭᠠᠯᠢ᠂ ᠠᠶᠢᠷᠠᠭ ᠵᠡᠷᠬᠡ ᠴᠠᠭᠠᠨ ᠢᠳᠡᠭᠡ ᠪᠡᠯᠡᠳᠬᠡᠬᠦ ᠠᠷᠭ᠎ᠠ ᠪᠤᠯ ᠲᠠᠳᠠᠨ ᠤ ᠠᠬᠤᠢ ᠶᠣᠰᠣᠨ ᠤ ᠮᠢᠩᠭ᠎ᠠ ᠮᠢᠩᠭᠠᠨ ᠵᠢᠯ ᠤᠨ ᠨᠠᠨᠳᠢᠨ ᠦᠪ ᠣᠯᠠᠮᠵᠢᠯᠠᠯ ᠮᠦᠨ᠃ ᠡᠷᠳᠡ ᠡᠳᠦᠬᠡ ᠶᠢᠨ ᠨᠣᠮ ᠵᠣᠬᠢᠶᠠᠯ ᠳᠤ ᠮᠠᠯ ᠤᠨ ᠰᠥ ᠰᠠᠭᠠᠯᠢ ᠠᠪᠬᠤ᠂ ᠬᠡᠷᠡᠭᠯᠡᠬᠦ ᠣᠯᠠᠮᠵᠢᠯᠠᠯ ᠮᠠᠯ ᠰᠦᠷᠦᠭ ᠢ ᠮᠠᠯᠵᠢᠬᠤ ᠣᠯᠠᠮᠵᠢᠯᠠᠯᠳᠣ ᠠᠷᠭ᠎ᠠ ᠠᠵᠢᠯᠯᠠᠭ᠎ᠠ ᠲᠠᠢ ᠶᠠᠮᠠᠷ ᠰᠢᠳᠦᠯᠴᠡᠭᠡ ᠬᠤᠯᠪᠤᠭᠠᠳᠠᠢ ᠪᠤᠯᠬᠤ ᠶᠢ ᠲᠡᠮᠳᠡᠭᠯᠡᠭᠰᠡᠨ ᠵᠦᠢᠯ ᠨᠡᠩ ᠬᠤᠪᠤᠷ ᠪᠠᠶᠢᠵᠠᠢ᠃    ᠮᠠᠯ ᠤᠨ ᠰᠥ ᠰᠢᠮ᠎ᠡ ᠶᠢ ᠪᠤᠯᠪᠠᠰᠣᠷᠠᠭᠤᠯᠳᠠᠭ ᠣᠯᠠᠮᠵᠢᠯᠠᠯᠳᠣ ᠠᠷᠭ᠎ᠠ ᠶᠢᠨ ᠲᠠᠯ᠎ᠡ ᠪᠠᠷ᠂ ᠦᠬᠡᠷ᠂ ᠬᠤᠨᠢ᠂ ᠢᠮᠠᠭ᠎ᠠ ᠶᠢ ᠰᠠᠭᠠᠭᠰᠠᠨ ᠰᠥ ᠶᠢ ᠰᠢᠬᠦᠵᠦ ᠬᠦᠬᠡᠷᠡᠬᠦᠯᠦᠨ ᠦᠷᠦᠮ᠎ᠡ ᠵᠠᠭᠰᠠᠭᠠᠵᠦ ᠦᠷᠦᠮ᠎ᠡ᠂ ᠴᠦᠴᠦᠬᠡᠢ ᠶᠢ ᠠᠪᠴᠤ ᠲᠣᠰᠬᠠᠢ ᠴᠡᠪᠡᠷ ᠰᠠᠪᠠᠨ ᠳᠤ ᠬᠤᠷᠢᠶᠠᠳᠠᠭ᠃ ᠲᠡᠬᠦᠨ ᠢ ᠢᠰᠦᠮᠡᠭᠴᠡ ᠪᠤᠴᠠᠯᠭᠠᠵᠣ ᠰᠢᠷ᠎ᠡ ᠲᠣᠰᠣ ᠶᠢ ᠨᠢ ᠢᠯᠭᠠᠵᠦ ᠠᠪᠤᠭᠠᠳ ᠪᠤᠴᠠᠯᠭᠠᠭᠰᠠᠨ ᠦᠷᠦᠮ᠎ᠡ ᠲᠡᠭᠡᠨ ᠡᠬᠡᠵᠡᠬᠡᠢ ᠬᠤᠯᠢᠵᠦ ᠬᠦᠵᠡᠭᠡ ᠰᠠᠪᠠᠨ ᠳ᠋ᠣᠠᠭᠤᠳᠠᠯᠣᠨ ᠬᠠᠳᠠᠭᠠᠯᠠᠳᠠᠭ᠃ ᠦᠷᠦᠮ᠎ᠡ᠂ ᠵᠦᠬᠡᠬᠡᠢ ᠶᠢ ᠨᠢ ᠢᠯᠭᠠᠵᠦ ᠠᠪᠤᠭᠰᠠᠨ ᠰᠥ ᠪᠠᠷ ᠲᠠᠷᠠᠭ ᠪᠦᠷᠢᠬᠡᠳ ᠬᠡᠷᠡᠭᠯᠡᠬᠦ ᠠᠴᠠ ᠭᠠᠳᠠᠨ᠋᠎ᠡ ᠬᠦᠬᠦᠤᠷ ᠰᠠᠪᠠᠨ ᠳᠤ ᠬᠢᠵᠦ ᠠᠶᠢᠷᠠᠭ ᠬᠤᠭᠤᠷᠮᠠᠭ ᠢᠰᠬᠡᠳᠡᠭ᠃ ᠬᠤᠭᠤᠷᠮᠠᠭ ᠢᠰᠬᠡᠳᠡᠭ᠃ ᠠᠶᠢᠷᠠᠭ ᠬᠤᠭᠤᠷᠮᠠᠭ ᠢ ᠢᠰᠴᠦ ᠠᠷᠪᠢᠵᠢᠭᠠᠳ ᠢᠷᠡᠬᠦ ᠪᠠᠷ ᠪᠤᠴᠠᠯᠭᠠᠭᠠᠳ ᠴᠠᠭ᠎ᠠ ᠪᠣᠯᠭᠠᠵᠤ ᠦᠳᠬᠡᠷᠡᠬᠦᠯᠦᠨ ᠰᠢᠷ᠎ᠡ ᠲᠣᠰᠣ ᠶᠢ ᠨᠢ ᠰᠢᠬᠦᠵᠦ ᠠᠭᠠᠷᠣᠣᠯ ᠲᠠᠯᠪᠢᠵᠦ ᠰᠡᠷᠢᠬᠦᠨ ᠭᠠᠵᠠᠷ ᠲᠡᠯᠭᠡᠨ ᠬᠠᠳᠠᠭᠠᠳᠠᠭ᠃ ᠮᠥᠨ ᠰᠦ ᠶᠢ ᠡᠭᠡᠳᠡᠭᠦᠯᠦᠨ ᠪᠢᠰᠢᠯᠠᠭ ᠰᠢᠬᠠᠳᠠᠭ᠃ ᠢᠩᠭᠡᠨ ᠤ ᠰᠦ ᠶᠢ ᠢᠰᠬᠡᠵᠦ ᠬᠤᠭᠤᠷᠮᠠᠭ ᠪᠣᠯᠭᠠᠨ ᠤᠤᠭᠤᠳᠠᠭ᠃ ᠨᠠᠮᠤᠷ ᠡᠪᠦᠯ ᠰᠦ ᠬᠥᠯᠳᠡᠭᠡᠵᠦ ᠡᠪᠦᠯ᠂ ᠬᠠᠪᠤᠷ ᠲᠤ ᠬᠡᠷᠡᠭᠯᠡᠳᠡᠭ᠃ ᠭᠡᠭᠦᠦ ᠪᠠᠨ ᠪᠠᠷᠢᠵᠤ ᠰᠠᠭᠠᠭᠠᠳ ᠰᠦ ᠶᠢ ᠨᠢ ᠠᠪᠴᠤ ᠢᠰᠬᠡᠨ ᠠᠶᠢᠷᠠᠭ ᠪᠡᠯᠡᠳᠬᠡᠳᠡᠭ᠃ ᠮᠣᠩᠭᠤᠯᠴᠣᠳ ᠰᠥ ᠪᠠᠷ ᠭᠠᠭᠴᠠ ᠲᠦᠷᠦᠯ ᠤᠨ ᠢᠳᠡᠭᠡ ᠪᠤᠯᠪᠠᠰᠣᠷᠠᠭᠤᠯᠣᠨ ᠭᠠᠷᠭᠠᠬᠤ ᠨᠢ ᠬᠤᠪᠤᠷ᠃ ᠵᠦᠪᠬᠡᠨ ᠡᠭᠡᠵᠡᠬᠡᠢ᠂ ᠪᠢᠰᠢᠯᠠᠭ ᠵᠡᠷᠬᠡ ᠶᠢ ᠬᠢᠬᠦ ᠳᠤ ᠰᠥ ᠶᠢ ᠰᠢᠭᠤᠳ ᠡᠭᠡᠳᠡᠬᠦᠯᠬᠦ ᠵᠢᠷᠣᠮ ᠢᠶᠠᠷ ᠪᠤᠯᠪᠠᠰᠣᠷᠠᠭᠤᠯᠳᠠᠭ᠃ ᠭᠤᠣᠯ ᠲᠦᠯᠦᠪ ᠠᠷᠭ᠎ᠠ ᠠᠵᠢᠯᠯᠠᠭᠠᠨ ᠤ ᠲᠡᠯᠭᠡᠷᠡᠩᠬᠦᠢ ᠦᠢᠯᠡ ᠶᠠᠪᠤᠴᠠ ᠲᠣᠮᠳᠠᠭᠤᠷ ᠰᠦᠨ ᠤ ᠨᠠᠶᠢᠷᠠᠯᠭ᠎ᠠ ᠶᠢᠨ ᠭᠤᠣᠯ ᠵᠦᠢᠯ ᠢ ᠣᠯᠠᠨ ᠲᠦᠷᠦᠯ ᠤᠨ ᠴᠠᠭᠠᠨ ᠢᠳᠡᠭᠡ ᠶᠢ ᠲᠡᠰ ᠲᠠᠷᠠᠭᠠᠯᠠᠨ ᠭᠠᠷᠭᠠᠵᠦ ᠠᠪᠳᠠᠭ ᠣᠨᠴᠠᠯᠢᠭ ᠲᠠᠢ᠃ ᠰᠥ ᠬᠦᠬᠡᠷᠡᠬᠦᠯᠦᠨ ᠦᠷᠦᠮ᠎ᠡ ᠭᠠᠷᠭᠠᠵᠦ ᠠᠪᠬᠤ᠃ ᠦᠷᠦᠮ᠎ᠡ ᠶᠢ ᠬᠤᠷᠢᠶᠠᠨ ᠲᠡᠬᠦᠨ ᠠᠴᠠ ᠰᠢᠷ᠎ᠡ ᠲᠣᠰᠣ᠂ ᠴᠦᠪ ᠭᠠᠷᠭᠠᠵᠦ ᠠᠪᠬᠤ᠃ ᠦᠷᠦᠮ᠎ᠡ ᠶᠢ ᠨᠢ ᠠᠪᠤᠭᠰᠠᠨ ᠰᠥ ᠪᠠᠷ ᠲᠠᠷᠠᠭ ᠪᠦᠷᠢᠬᠦ᠂ ᠡᠰᠡᠪᠡᠯ ᠠᠶᠢᠷᠠᠭ ᠢᠰᠬᠡᠨ ᠰᠦᠨ ᠤ ᠠᠶᠢᠷᠠᠯᠭ᠎ᠠ ᠳᠠᠬᠢ ᠰᠢᠬᠢᠷ ᠤᠨ ᠵᠦᠢᠯ ᠢ ᠰᠦᠨ ᠤ ᠬᠦᠴᠢᠯ᠂ ᠰᠫᠡᠷᠲ ᠪᠤᠯᠭᠠᠨ ᠢᠰᠦᠯᠳᠦᠬᠦᠯᠬᠦ᠃ ᠲᠡᠷᠡ ᠠᠶᠢᠷᠠᠭ ᠢᠶᠠᠷ ᠢᠶᠠᠨ ᠲᠣᠭᠤᠭ᠎ᠠ ᠨᠡᠷᠡᠨ ᠠᠷᠢᠬᠢ᠂ ᠡᠭᠡᠳᠡᠮ᠂ ᠡᠭᠡᠷᠮᠡᠭ᠂ ᠴᠠᠭ᠎ᠠ ᠭᠠᠷᠭᠠᠬᠤ᠃ ᠴᠠᠭ᠎ᠠ ᠶᠢ ᠰᠢᠬᠦᠵᠦ ᠠᠭᠠᠷᠴᠠ ᠬᠢᠬᠦ᠃ᠠᠭᠠᠷᠴᠠ ᠰᠢᠬᠦᠵᠦ ᠠᠭᠠᠷᠣᠣᠯ ᠲᠠᠯᠪᠢᠬᠤ ᠮᠡᠳᠦ ᠪᠠᠷ ᠰᠥ ᠶᠢ ᠲᠡᠰ ᠲᠠᠷᠠᠭᠠᠯᠠᠭᠰᠠᠨ ᠠᠷᠭ᠎ᠠ ᠠᠵᠢᠯᠯᠠᠭᠠᠨ ᠢᠶᠠᠷ ᠣᠯᠠᠨ ᠲᠦᠷᠦᠯ ᠤᠨ ᠴᠠᠭᠠᠨ ᠢᠳᠡᠭᠡ ᠭᠠᠷᠭᠠᠵᠦ ᠠᠪᠳᠠᠭ ᠪᠠᠶᠢᠨ᠎ᠠ᠃ ᠮᠣᠩᠭᠤᠯ ᠪᠢᠰᠢᠯᠠᠭ ᠬᠢᠬᠦ ᠳᠤ ᠡᠬᠡᠳᠡᠬᠦᠯᠬᠡ ᠶᠢᠨ ᠬᠦᠴᠢᠯ᠂ ᠬᠡᠮᠵᠢᠶ᠎ᠡ᠂ ᠰᠥ᠂ ᠬᠠᠯᠠᠭᠠᠬᠤ ᠲᠣᠯᠠᠭᠠᠨ ᠵᠡᠷᠬᠡ ᠨᠢ ᠡᠭᠡᠵᠡᠬᠡᠢ ᠡᠬᠡᠳᠡᠬᠦᠯᠬᠦ ᠲᠠᠢ ᠠᠳᠠᠯᠢᠬᠠᠨ᠃ ᠭᠠᠭᠴᠠᠬᠦ ᠪᠢᠰᠢᠯᠠᠭ ᠬᠢᠬᠦ ᠲᠡᠭᠡᠨ ᠣᠨᠠᠭᠰᠠᠨ ᠡᠬᠡᠳᠡᠮ ᠢ ᠲᠦᠷᠬᠡᠨ ᠬᠤᠭᠤᠴᠠᠭᠠᠨ ᠳᠤ ᠰᠢᠬᠦᠨ ᠠᠪᠴᠤ ᠣᠭᠤᠳᠠᠨ ᠳᠤ ᠬᠢᠵᠦ ᠲᠠᠯ᠎ᠡ ᠲᠠᠯ᠎ᠡ ᠠᠴᠠ ᠨᠢ ᠰᠢᠬᠠᠵᠦ ᠰᠢᠷ᠎ᠡ ᠰᠥ ᠶᠢ ᠨᠢ ᠢᠯᠭᠠᠬᠤ ᠶᠢᠨ ᠬᠠᠮᠳᠣ ᠪᠢᠰᠢᠯᠠᠭ ᠤᠨ ᠬᠡᠪ ᠲᠦᠷᠰᠦ ᠶᠢ ᠲᠣᠬᠢᠷᠠᠭᠤᠯᠳᠠᠭ᠃ ᠢᠡᠭᠬᠡ᠂ ᠦᠨᠢᠶᠡᠨ ᠦ ᠰᠥ ᠪᠠᠷ ᠬᠢᠳᠡᠭ ᠠᠶᠢᠷᠠᠭ ᠢ ᠤᠮᠳᠠᠭ᠎ᠠ᠂ ᠵᠠᠷᠢᠮ ᠨᠣᠳᠤᠭ ᠲᠤ ᠬᠤᠭᠤᠷᠮᠠᠭ ᠬᠡᠵᠦ ᠨᠡᠷᠡᠯᠡᠳᠡᠭ᠃ ᠲᠣᠭᠤᠭ᠎ᠠ ᠨᠡᠷᠡᠵᠦ ᠠᠷᠢᠬᠢ ᠭᠠᠷᠭᠠᠬᠤ ᠪᠠ ᠠᠭᠠᠷᠴᠠ᠂ ᠠᠭᠠᠷᠣᠣᠯ ᠬᠢᠬᠦ ᠵᠣᠷᠢᠯᠭ᠎ᠠ ᠪᠠᠷ ᠠᠶᠢᠷᠠᠭ ᠢᠰᠬᠡᠳᠡᠭ᠃ ᠠᠭᠠᠷᠣᠣᠯ᠂ ᠡᠬᠡᠵᠡᠬᠡᠢ᠂ ᠪᠢᠰᠢᠯᠠᠭ ᠪᠤᠯ ᠣᠭᠤᠷᠠᠭ᠂ ᠲᠣᠰᠣ ᠪᠠᠷ ᠪᠠᠶᠠᠯᠢᠭ ᠴᠠᠭᠠᠨ ᠢᠳᠡᠭᠡ ᠮᠦᠨ᠃ ᠮᠣᠩᠭᠤᠯᠴᠣᠳ ᠬᠡᠷᠡᠭᠴᠡᠭᠡ ᠪᠠᠨ ᠪᠦᠷᠢᠨ ᠬᠠᠨᠭ᠍ᠭᠠᠵᠦ ᠴᠢᠳᠠᠬᠤ ᠴᠠᠭᠠᠨ ᠢᠳᠡᠬᠡᠨ ᠤ ᠴᠣᠭᠴᠠ ᠠᠷᠭ᠎ᠠ ᠠᠵᠢᠯᠯᠠᠭ᠎ᠠ ᠶᠢ ᠪᠤᠢ ᠪᠤᠯᠭᠠᠬᠤ ᠳᠠᠭᠠᠨ ᠡᠬᠡ᠂ ᠲᠦᠯ ᠮᠠᠯ ᠤᠨ ᠪᠢᠤᠯᠣᠬᠢ᠂ ᠲᠡᠳᠡᠬᠡᠷ ᠤᠨ ᠮᠠᠯᠵᠢᠯᠠᠭᠠᠨ ᠤ ᠭᠤᠷᠢᠮ ᠲᠠᠢ ᠰᠢᠳᠦᠯᠴᠡᠬᠦᠯᠵᠦ ᠴᠢᠳᠠᠭᠰᠠᠨ ᠨᠢ ᠲᠠᠷᠠᠭᠠᠬᠢ ᠬᠦᠴᠦᠨ ᠵᠦᠢᠯ ᠤᠳ ᠲᠠᠢ ᠬᠤᠯᠪᠤᠭ᠎ᠠ ᠲᠠᠢ᠃ ᠡᠬᠦᠨ ᠳᠤ᠂ ᠮᠣᠩᠭᠤᠯ ᠮᠠᠯᠴᠢᠳ ᠨᠣᠳᠤᠭ ᠤᠨ ᠡᠬᠦᠯᠳᠡᠷ ᠤᠨ ᠲᠦᠷᠦᠯ ᠪᠦᠷᠢ ᠶᠢᠨ ᠮᠠᠯ ᠤᠨ ᠲᠡᠯᠡᠩ ᠳᠤ ᠰᠥ ᠡᠬᠦᠰᠬᠦ᠂ ᠮᠠᠯ ᠰᠠᠭᠠᠬᠤ ᠬᠡᠪ ᠤᠨ ᠶᠠᠪᠤᠴᠠ ᠶᠢ ᠮᠠᠰᠢ ᠰᠠᠶᠢᠨ ᠮᠡᠳᠡᠳᠡᠭ᠃ ᠲᠦᠷᠦᠯ ᠪᠦᠷᠢ ᠶᠢᠨ ᠮᠠᠯ ᠤᠨ ᠰᠦᠨ ᠤ ᠭᠠᠷᠣᠴᠠ᠂ ᠨᠠᠶᠢᠷᠠᠯᠭ᠎ᠠ᠂ ᠬᠤᠪᠢᠯᠠᠬᠤᠢ ᠶᠢᠨ᠂ ᠪᠤᠳᠠᠰ ᠵᠦᠢ ᠶᠢᠨ ᠪᠢᠴᠢᠯ ᠠᠮᠢ ᠰᠣᠳᠣᠯᠣᠯ ᠤᠨ ᠣᠨᠴᠠᠯᠢᠭ ᠢ ᠮᠣᠩᠭᠤᠯ ᠣᠷᠣᠨ ᠤ ᠪᠦᠰᠡ ᠨᠣᠳᠤᠭ ᠤᠨ ᠣᠷᠴᠢᠨ ᠵᠦᠢ ᠶᠢᠨ ᠣᠨᠴᠠᠯᠢᠭ ᠲᠠᠢ ᠰᠢᠳᠦᠯᠴᠡᠬᠦᠯᠦᠨ ᠠᠰᠢᠭᠯᠠᠵᠦ ᠠᠰᠣᠷᠣ ᠶᠡᠭᠡ ᠮᠡᠳᠡᠯᠭᠡ᠂ ᠲᠣᠷᠰᠢᠯᠭ᠎ᠠ ᠬᠤᠷᠠᠮᠳᠣᠭᠤᠯᠵᠦ ᠴᠢᠳᠠᠭᠰᠠᠨ ᠪᠠᠶᠢᠳᠠᠭ᠃     ᠮᠣᠩᠭᠤᠯ ᠣᠷᠣᠨ ᠤ ᠦᠪᠡᠷᠮᠢᠴᠡ ᠨᠦᠬᠦᠴᠡᠯ ᠳᠤ ᠡᠬᠡ ᠮᠠᠯ ᠤᠨ ᠰᠥ ᠰᠢᠮᠡᠵᠢᠯᠳᠡ᠂ ᠲᠦᠯ ᠤᠨ ᠰᠦᠨ ᠲᠡᠵᠢᠬᠡᠯᠭᠡ ᠶᠢᠨ ᠪᠢᠤᠯᠤᠬᠢ ᠶᠢ ᠮᠣᠩᠭᠤᠯᠴᠣᠳ ᠣᠨᠴᠠᠭᠠᠢ ᠣᠬᠠᠭᠠᠷᠠᠭᠰᠠᠨ ᠪᠠᠶᠢᠳᠠᠭ᠃ ᠮᠠᠨᠳᠠᠵᠠᠪ ᠡᠮᠬᠢᠳᠬᠡᠨ ᠨᠠᠶᠢᠷᠠᠭᠤᠯᠪᠠ᠃
ᠢᠷᠡᠯᠲᠡ᠄ ᠲᠣᠲᠣᠷᠬᠠᠢ ᠦᠭᠡᠢ