| ᠤᠷᠠᠳᠴᠤᠳ ᠤᠨ ᠤᠮᠳᠠᠭᠠᠨ ᠤ ᠵᠦᠢᠯ ᠳᠤ ᠭᠤᠣᠯᠳᠠᠭᠤ ᠴᠠᠢ᠂ ᠠᠷᠢᠬᠢ᠂ ᠴᠡᠭᠡ ᠮᠡᠲᠦ ᠶᠢᠨ ᠵᠦᠢᠯ ᠪᠠᠶᠢᠳᠠᠭ᠃ ᠴᠠᠢ ᠪᠣᠯ ᠬᠠᠮᠤᠭ ᠤᠨ ᠳᠡᠭᠡᠳᠦ | ᠪᠠᠶᠢᠷᠢ ᠳᠤ ᠣᠷᠣᠬᠤ ᠮᠥᠷᠲᠡᠭᠡᠨ ᠥᠷᠯᠥᠭᠡ᠂ ᠦᠳᠡ ᠶᠢᠨ ᠬᠤᠭᠤᠯᠠᠨ ᠳᠤ ᠴᠥᠮ ᠤᠤᠭᠤᠳᠠᠭ ᠭᠤᠣᠯ ᠪᠣᠯᠬᠤ ᠤᠮᠳᠠᠭᠠᠨ ᠤ ᠵᠦᠢᠯ ᠪᠣᠯᠣᠨᠠ᠃ ᠤᠷᠠᠳ ᠬᠥᠮᠥᠰ | ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠪᠠᠨ ᠴᠠᠢ ᠤᠤᠭᠤᠵᠤ ᠳᠠᠰᠤᠭᠰᠠᠨ ᠪᠣᠯᠬᠤᠷ ᠨᠠᠰᠤ ᠠᠬᠢᠬᠤ ᠶᠢ ᠳᠠᠭᠠᠯᠳᠤᠨ᠂ ᠨᠢᠭᠡ ᠴᠠᠭ ᠤᠨ ᠪᠤᠳᠠᠭᠠ ᠬᠤᠭᠤᠯᠠ ᠣᠰᠣᠯᠳᠠᠪᠠᠴᠤ᠂ ᠬᠠᠷᠢᠨ | ᠨᠢᠭᠡ ᠴᠠᠭ ᠤᠨ ᠴᠠᠢ ᠣᠰᠣᠯᠳᠠᠵᠤ ᠪᠣᠯᠳᠠᠭ ᠦᠭᠡᠢ᠃ ᠴᠠᠢ ᠶᠢᠨ ᠵᠦᠢᠯ ᠳᠤ ᠬᠠᠷᠠ ᠴᠠᠢ᠂ ᠰᠦ ᠲᠠᠢ ᠴᠠᠢ᠂ ᠪᠤᠳᠠᠭᠠ ᠣᠷᠬᠢᠭᠰᠠᠨ ᠴᠠᠢ᠂ ᠵᠤᠲᠠᠩ ᠴᠠᠢ ᠭᠡᠬᠦ ᠮᠡᠲᠦ | ᠣᠯᠠᠨ ᠵᠦᠢᠯ ᠪᠠᠶᠢᠳᠠᠭ᠃ ᠬᠠᠷᠠ ᠴᠠᠢ ᠬᠡᠪ ᠤᠨ ᠴᠠᠢ ᠪᠠᠨ ᠪᠠᠯᠪᠠᠯᠤᠨ ᠳᠠᠪᠤᠰᠤ ᠬᠢᠵᠦ ᠴᠢᠨᠠᠭᠰᠠᠨ ᠢ ᠬᠠᠷᠠ ᠴᠠᠢ ᠭᠡᠳᠡᠭ᠃ ᠰᠦ ᠲᠠᠢ ᠴᠠᠢ ᠴᠢᠨᠠᠵᠤ ᠪᠤᠴᠠᠯᠭᠠᠭᠰᠠᠨ | ᠴᠠᠢ ᠪᠠᠨ ᠰᠠᠭᠠᠮᠠᠯ ᠰᠥ᠋ ᠪᠤᠶᠤ ᠬᠠᠮᠤᠭᠰᠠᠨ ᠥᠷᠥᠮᠡ ᠪᠠᠷ ᠨᠡᠶᠢᠯᠡᠭᠦᠯᠦᠭᠰᠡᠨ ᠢ ᠰᠥ᠋ ᠲᠠᠢ ᠴᠠᠢ ᠭᠡᠨᠡ᠃ ᠥᠷᠥᠮᠡ ᠪᠠᠷ ᠨᠡᠶᠢᠯᠡᠭᠦᠯᠦᠭᠰᠡᠨ ᠴᠠᠢ ᠪᠣᠯ ᠲᠤᠩ ᠰᠠᠶᠢᠬᠠᠨ | ᠠᠮᠲᠠᠲᠠᠢ ᠪᠠᠶᠢᠳᠠᠭ᠃ ᠪᠤᠳᠠᠭᠠ ᠣᠷᠬᠢᠭᠰᠠᠨ ᠴᠠᠢ ᠴᠠᠢ ᠪᠠᠨ ᠴᠢᠨᠠᠵᠤ ᠪᠤᠴᠠᠯᠭᠠᠭᠰᠠᠨ ᠤ ᠳᠠᠷᠠᠭᠠ ᠰᠢᠭᠠᠷᠤ ᠶᠢ ᠨᠢ ᠱᠦᠭᠦᠵᠦ ᠠᠪᠤᠭᠠᠳ ᠳᠠᠬᠢᠵᠤ ᠬᠤᠨᠤᠭ ᠪᠤᠳᠠᠭᠠ | ᠪᠤᠶᠤ ᠲᠤᠲᠤᠷᠭᠠ ᠪᠤᠳᠠᠭᠠ ᠬᠢᠵᠦ ᠴᠢᠨᠠᠵᠤ ᠤᠤᠭᠤᠬᠤ ᠶᠢ ᠵᠢᠭᠠᠵᠤ ᠪᠣᠢ᠃ ᠵᠤᠲᠠᠩ ᠴᠠᠢ ᠤᠷᠢᠳ ᠢᠶᠠᠷ ᠳᠤᠮᠳᠠᠭᠤᠷ ᠱᠠᠭᠠᠵᠠᠩ ᠭᠤᠯᠢᠷ ᠢᠶᠠᠨ ᠲᠣᠭᠤᠭᠠᠨ ᠳᠤ | ᠬᠢᠵᠦ ᠬᠠᠭᠤᠷᠤᠨᠠ᠃ ᠳᠠᠷᠠᠭᠠ ᠨᠢ ᠴᠢᠨᠠᠭᠰᠠᠨ ᠴᠠᠢ ᠪᠠᠨ ᠰᠢᠭᠠᠷᠤ ᠶᠢ ᠨᠢ ᠱᠦᠭᠦᠵᠦ ᠠᠪᠤᠭᠠᠳ ᠬᠠᠭᠤᠷᠣᠭᠰᠠᠨ ᠭᠤᠯᠢᠷ ᠳᠡᠭᠡᠷᠡ ᠪᠠᠨ ᠬᠢᠵᠦ ᠪᠤᠴᠠᠯᠭᠠᠭᠠᠳ | ᠤᠤᠭᠤᠳᠠᠭ᠃ ᠬᠢᠷᠠᠮᠠ ᠵᠠᠷᠢᠮ ᠬᠥᠮᠥᠨ ᠴᠠᠢ ᠤᠤᠭᠤᠭᠠᠳ ᠲᠣᠬᠢᠷᠠᠬᠤ ᠦᠭᠡᠢ ᠦᠶᠡ ᠳᠤ ᠤᠰᠤ ᠪᠠᠨ ᠪᠤᠴᠠᠯᠭᠠᠵᠤ᠂ ᠳᠡᠭᠡᠷᠡ ᠨᠢ ᠰᠥ᠋ ᠬᠢᠵᠦ ᠨᠠᠶᠢᠷᠠᠭᠤᠯᠳᠠᠭ᠂ | ᠡᠭᠦᠨ ᠢ ᠬᠢᠷᠠᠮᠠ ᠭᠡᠳᠡᠭ᠃ ᠨᠡᠷᠡᠮᠡᠯ ᠴᠠᠢ ᠳᠡᠪᠦᠷᠡ ᠳᠣᠲᠣᠷᠠ ᠪᠠᠨ ᠴᠠᠢ᠂ ᠳᠠᠪᠤᠰᠤ ᠪᠠᠨ ᠲᠣᠬᠢᠷᠠᠭᠤᠯᠤᠨ ᠬᠢᠭᠰᠡᠨ ᠤ ᠳᠠᠷᠠᠭᠠ ᠪᠤᠴᠠᠯᠤᠭᠰᠠᠨ ᠤᠰᠤ ᠪᠠᠨ | ᠳᠡᠪᠦᠷᠡ ᠳᠤ ᠪᠠᠨ ᠬᠢᠵᠦ ᠨᠡᠷᠡᠬᠦ ᠶᠢ ᠵᠢᠭᠠᠵᠤ ᠪᠣᠢ᠃ ᠤᠮᠳᠠ ᠦᠬᠡᠷ᠂ ᠬᠤᠨᠢᠨ ᠤ ᠪᠣᠷᠴᠠ ᠶᠢ ᠲᠠᠯᠬᠠᠯᠠᠵᠤ᠂ ᠳᠡᠭᠡᠷᠡ ᠨᠢ ᠪᠠᠭᠠ ᠲᠦᠭᠦᠬᠡᠢ ᠪᠤᠳᠠᠭᠠ ᠪᠤᠶᠤ | ᠲᠤᠲᠤᠷᠭᠠ ᠪᠤᠳᠠᠭᠠ ᠣᠷᠬᠢᠵᠤ᠂ ᠪᠤᠴᠠᠯᠭᠠᠭᠰᠠᠨ ᠴᠠᠢ ᠪᠠᠨ ᠰᠢᠭᠠᠷᠤ ᠶᠢ ᠨᠢ ᠲᠤᠩᠭᠠᠵᠦ ᠬᠢᠭᠡᠳ ᠪᠤᠴᠠᠯᠭᠠᠨᠠ᠃ ᠤᠮᠳᠠ ᠪᠣᠯ ᠬᠤᠭᠤᠯᠠ ᠪᠤᠳᠠᠭᠠ ᠶᠢ ᠣᠷᠣᠯᠠᠵᠤ | ᠴᠢᠳᠠᠨᠠ᠃ | |